عاشقانه های هزارگی

دلمه  ده  راه  ﺁغیل .  ﺁغیل   مره   کوی   مونه

ذوذاد  دلِ  نادونمه   لحظه  لحظه   روی  مونه

خاشه   کیده   یاری  مه  میده   کیده   دلمه   ره

دل  دو   میدی  مه  ره  یاد  تو  بد  خوی  مونه

ذوذاد  دل  پتنی  مه   ده   طوره   پی    نموبره

خاشییﺀ  بد چم  شده  کس شی  ده  دی  نموبره

ذوذاد  دل  قوغ   نیشو  کوره   مونه  ار  لحظه

ﺁوﺀ  صفاﺀ  خود  خوره  چلتاغ  و  لی  نموبره

یاری   خوبه   قنجغی    یاری   که   نادو   نیه

جواب  یاری  مدنه .  یاری   که   سرسو    نیه

ده  ﺁور  بار  یارو  .  خود  خو  پیتو  نه    کَنید

باد   قبله    اید   غیتا      بغیر     بارو       نیه

مغل  پری  ره  که دل  ده  خیال  خو کاله موکد

سنگی  که  مرشید  امید  صد  رنگه  ﺁله  مو کد

یک  گل    تو ﺴﯘز  نکد   ده   ﺁوری   دل  الی

تا  امید   دل مه  ره   سنگ  تو  ماله   مو   کد

شاو مه  بی  استَره  ﺌه  روز مه  بی  ﺁفتو  الی

ده  ناخو  حساب  کیدو مای  خو مونوم  نو الی

کل  ماه امو ماه  پِسه  پک سال  بهاری  نداشت

عمرِم   ده   ﺁخر  رسید   دل   پور   اینو   الی

دِله !الی سنگ  نیه  از جور تو چورچور موشه

سنگ خو ده  شیشه نزو  یاره نه آودور(1)  موشه

یک عمر جفای  تو دیدم  یک  دم  وفای  تو نبود

ﭐفتیده   دِلمه   الی  از دِیست   تو  بینور   موشه

خوره  شده  سینِه مه  خور شی شوده   یاد از تو

جور تو بَسه  ای  شرین  تا  نَمره   فرهاد  از تو

بیدنو  که ﺁرزو  ده  دل  خاره   شده    بد    غدر

چمه  ده   وخت  مردۥو   قب  نشنه  از یاد از تو

 ۱- اودورزاده  یا  راقیب        22/6/2001